Ekkewe Annukun Hawaii
Ikkei ekkoch annuk mei och aramas meinisin repwe afona. Ika emon a sinei emon e atai ekkei annuk iwe epwe esinei ngeni police ren ar repwe fori pekin ar angang pun epwe wor kinamwe non ewe neni.
PDF, 3 pp. (Entire Section) Download & Print 
KOSAPW PII NGAW
Tumunun fonu an esap nimengaw pwe sipwe nonom non neni mi fakkun ning me nimoch ne pian, (beaches,) nimoch neman ren ekkewe nenien kukunow, (parks) pwan neni ese nifinifin ren nenian aramas (neighborhood). Nikitano pii (taropwe, pinastik, rume, tin, atuff ren supwa me puu, pokun supwa) non ekkewe nenien kukunou a iteni pingaw.
KOSAPW UUN SAKAW
Emon aramas a tongeni ares are tipis (kalupus) ika e esois are unumi (beer ika liquor) non nenien aramas (nukun imom, non ekkewe park, won ekkewe piepi, won aan pwal non wom chitosa).
EMON A KIS SENI 21 IERIN ESE TONGENI UUN SAKAU
Emon a kis seni 21 ierin a tongeni ares are fen pwan katurulong non kanapus ika polise re kuna an isois are un sakaw (beer are liquor). Nupwen polis ra kuna emon aramas a ngeni emon mei kukun ierin seni 21 a tongeni ares pwan katurunong non kanupus. a mon ngeni are ngeni emon mei kukun ierin (kis seni 21) a tongeni ares ren polis are katurunong non kanapus.
KOSAP ISOIS PISEKIN AFEIENGAW NON NENIEN ARAMAS
Police ra tongeni aresini are aturanong non imwen kanapus emon aramas ika e kamoch pwan isois pisekin afeiengaw ren naïf, sar, nikosuk, pistor non wan chitosa.
KOSAP ISOIS ARE AMMOMMO EKKEWE SAFEI ESE MUMUTA
Emmon a tongeni ares are katurunong non kanapus ika e isois are fen pwan ammommo ekkewe sakkun safei ese mumumuta me fan annunk re chowe an (marijuana, crystral methamphetamine, are cocaine).
AMMOMMO SUPWE NGENI SEMIRIT MEI TIPIS
Nuunu me un supwa (tobacco) pwan ngaserata otun supwa mei angawano inisich. A pwan tongeni awora sakopaten semwenin non inisich. Ammommo ngeni semirit metochun supwa a tipis fan pochokunen annuk.
ANNUKUN SEMIRIT
Semirit mei kukun sen 16 ierin resap nom non ekewe nenien chommong aramas ika ese wor mei muk e nom rer non ekkei atun kunok. 10 nepwin tori 4 nesosor. Ion semirit e nom non ekkei neni non ekkei atun kunok epwe tongeni ares.
SEMIRIT REPWE NOM NON SUKUN (RIKINO)
Meinisin semirit serfo 5 ier tori 18 ier repwe fiti sukun. Io ese sukun ika etiwano sukun nge ese mumuta a iteni (Rikino seni sukun). Emen chon sukun, saman me inan, ika ewe siwilin sam me inn, mei tongeni arrest, koko ngeni ofesin sukun ika fen kapung fan iten an nour semirit rikino seni sukun. Amen auchea om kopwe esinesin ngeni ewe sukun ika noum we epwe etiwano sukun ren wewen mei auchea. A men pwan auchea om kopwe chuchuri noun noum we sense om kopwe sinei ifa usun nonomun ika sinei ukukun noum we non sukun.
SEMIRIT RESAP NOM MURIN PICK-UP TRUK
Semirit 12 ierin ika kukun seni resap mot murin efoch Pick-up truck nupwen an sa, tuenon chok ika mei wor mei mukono chiener.