Manapen Poraus
PDF, 3 pp. (Entire Section) Download & Print 
Hawaii a wor sakopaten aramas. Ir ra pwal en me nukeato are kewe sakopaten oreni. Nuppwen ra tonong non Hawaii ra mwanonong fan nurun ewe Aloha – ewe etiwetiweoch me weweoch.
Chommong eorenian ekkewe fonuen non Pacific, ewe waseres a fis pwe esisilen pochokun, tiniken, angechu me engino. Usun chok chon efoch waseres, wasona repwe manota ar repwe ne ekesiwini met ra fofori menom pwe repwe tongeni kaeo ngeni nonomun ewe minafen neni. Meinisin eoreni, muu me aramas a wor rer ew metoch mei fokkun auchea ngenir. Ewe Asaamon Nefinan Aramas. Kich meinisin sia choon chok efoch wa. Ina pwata amen auchea ach sipwe nounow ewe fos “angechu” (angang fengen) pun sipwe kuna tufich non ewe minafon fonu.
Ekkewe minafon wasona non Hawaii ra etto seni Federated States of Micronesia (Chuuk, Pohnpei, Kosrai, me Yap), fonuen non Marshalls Island, pwal fonuen non Republic of Palau, ekkewe neni ra pwal eita ngeni Riri Fengen non Nikatomotom (FAS). Usun chok ekkewe minafon wasona seni ekkewe ekkoch fonu, ir rap wan kuna sakopaten osukosuk nge ir ra pwan tongeni kaeo ar repwe ekesiwili nonomur non ewe minafon neni ra nom ie.
Popunapen an wor ei puk pwe epwe eu pisekin kaeo me alisi ekkewe mei feito seni ekkewe fonuen Riri Fengen non Nikatomotom.
Ei kukun puk a awora ekkei auchean poraus are lapalap:
- Auchean Wisen ewe Famini non Imw me Sukun;
- Tumunun Semirit;
- Epeti feiengawen semirit me non imw pwan non ewe sop;
- Annukun Hawaii; pwal
- Ekkewe pekin nenien aninis ese kamo are mei mokukun.
Lon ach sia seseres fengen, sia churi sakopaten weires me osukosuk won wach we, nge sia chok atures fanasengesin ach kewe anean me mochon ach sipwe tori nge sap ren ach afota ekkew fun sai usun ach kewe newo ra kan ait ngeni kich, pwe seni ach angang fengeng ren ach sipwe kuna tufich mwach kan.
Sia anean pwe ei puuk epwe tongeni awora ekkewe aninisin poraus ngeni emon me emon ren an epwe ponueta nonomochun non Hawaii.
Saipok Ngeni Ew Minafon Manaw: Ei puk a kawor fan iten ekkewe minafon chon tonong non Hawaii. A ponueta pokiten angang fengen nefinan ekkei putai me ofes:
- Department of the Attorney General, Crime Prevention and Justice Assistance Division;
- Department of Labor and Industrial Relations, Office of Community Services;
- Department of Health;
- Department of the Prosecuting Attorney, City and County of Honolulu;
- Goodwill Industries of Hawaii, Inc.; and
- Parents And Children Together, Hawaii Parent Information Resource Center.
Ekkoch kinikin non ei Saipok Ngeni Ew Minafon Manaw: Ew Puk A Kaor Faniten Wasona Non Hawaii a feito seni ew puk itan Foneni Semirit won ew Minafon Fonu: Ew Puk Mei Fiti Nios, forien ewe mwichen Bishop an Catholic lon Washington, D.C. 2007. Ekkewe wokisin ra angei me non ewe puk ra nom non sapun 7, 15, 22, 23, 39 me 40 non ewe puk Saipok Ngeni Ew Minafon Manaw: Ew Puk A Kaor Faniten Wasona Non Hawaii.
Masowan ei puk a kawor ren menapen ach sipwe sinei met mei auchea ngeni nonomuch non ew minafon fonu. Ach mefi pwe masowen ei puk esap unusen atawei ach we mochen nge emon me emon epwe tinikeni met a mochen sinei. Ekkoch masowan ei puk a poraus won pekin annuk nge sisap ekieki pwe epwe ne ew nongonong pun annuk mei sisiwinkis ina pwata sipwe tinikeni an epwe wor chon anisikich non pekin annuk anonong won annukun ewe fansoun ka mochen.
September 2008
The handbok may also be found on the Internet, at: