Tumunu Pochokunen Inisum

A fokkun auchea pwe kich meinisin sipwe tumunu pochokunen inisich ach sipwe achocho ne amokutu inisich (taiso), mongo ekkewe mongo mei watte manamanan, epwe pwan naf fansoun mour.

Nupwen en mei pochokun a pwarata pwe en mei tumunu inisum me noum. Ika mei wor om samau achocho ne unumi unumom safei meren noum we tokter.

Nupwen chok ka mefi ekis weningaw mutir churi noum tokter, kosap uti tori an epwe watteno om we samaw. Nge ika ka witiwit tori ka kekinong non ewe rumwen emerchensi iwe a pwarata pwe kose tumunu inisum.

Mun Hawaii a men chungu semirit me ar kewe famini ion ese tongeni moni noun Health Insurance. Mei wor health insurance ese kamo ika mei fen chok mokukun a kawor fan tumunuwen ewe Hawaii Quest ngeni ekkewe famini ese watte ar moni tonong.

PDF, 4 pp. (Entire Section) Download & Print printpdf

HAWAII QUEST

Hawaii QUEST, ika QUEST iei ei insurance a kawor fan iten ekkewe ir ra tongeni nounou. Ren pekin aisa a kawor fan tumunuen ewe pekin a iteni Medicaid Free-For-Service Program. QUEST a nom fan nemenien ewe Department of Human Services, Med-QUEST Division, nge monian a kawor seni mun Hawaii me ewe Federal Center ren Medicare me Medicaid Services.

Ika pwe a mumuta pwe kopwe nounou ewe Hawaii QUEST, iwe ka tongeni finata ew insurance ren pekin safei pwan ew isurance ren pekin aisa ren ar repwe tumunuk me om famini. Meinisin chochon ew famini repwe chok nomfengen fan ew chok insurance ren pekin safei me aisa.

Ekkoch insurance plan a chok kauk chochon. Ika a uur ewe ke mochen fiti, iwe kopwe ne pwan finata ew nge ika kose sinei meni ka mochen fiti iwe ewe offesin Hawaii MedQuest epwe ne fini ngonuk meni kopwe ne choni are fiti.

Mei wor 6 insurance ka tongeni fini eu me neir, ikkei iter: AlohaCare, HMSA, Kaiser Permanente, Kapiolani HealthHawaii, Queen’s Hawaii, pwan StraubCare Quantum. Meinisin ekkei 6 a wor won Ohau, nge 2 chok me nein ekkewe 6 a wor won ekkewe fonu unukun ei fonu Ohau.

Ekkei 3 insurance ren pekin aisa: AlohaCare, DentiCare, me HMSA a wor won ekkewe fonu meinisin non Hawaii.

Ren soposopun poraus, ka tongen katon Appendix C ika katon won internet address http://hawaii.gov/dhs/health/medquest/

FEINO CHURI NOUM TOKTERIN SAMAW ME AISA

Meinisin chon ewe famini repwe kan chuchuri nour tokterin semwen me tokterin aisa.
iteitan fansoun mei namot. (See Resources in Hawaii section for list of clinics.)
Chommong me nein ekkewe insurance ir mei etiwa pekin epeti me pekin samaw.

Me mwen omw kopwe tongeni no churi tokter. (appointment)

  • Kori ofesin omw we insurance om kopwe sinei iten ekkewe tokter ra tongeni etiwe noum we insurance.
  • Finata meni tokter ka mochen nouni me non ewe taropwe a mak iter non. Ika ese wor emon ka pusin finata iwe ewe ofesin MedQuest epwe ne fini ngonuk.
  • Epwe wor nom noum insurance card me mwen om kopwe tongeni koko ika inet kopwe tongeni chek.
  • Mutir ngeni pwonom we meren tokter. Nge ika kose tawe ngeni ewe fansoun mutir koko pwe repwe siwini ngeni eu fansoun.

Nupwen en ika noum semirit a semwen iwe kopwe kokori noum we tokter. Mei murino kopwe sinei nampan an we ofes pwan nampan ewe emerchensi.

SEMMWEN MEI MUTIR CHOOUFETAN

Mater me ekkewe ekoch semmwen mei mutir chooufetan a wor epetir. Ra pwan mutir wesino ren safei.

Semirit repwe mutir angei ekkewe opposun semrit ren an epwe epeti senir ekkewe semmwenin semirit ren uapo, (mumps) aska, (measles) me parang (chicken pox). Famini repwe churi nour tokter nge ika emon ese wor noun insurance iwe mei tongeni an epwe no chuuri ekkewe nenien safei ese kamo (free) are pwal mo kukkun.

Meinisin chon sukun me chon nom non ekkewe imwen omnes repwe angei ewe checkin TB. Ekkewe repwe angang repwe pwan angei ei checkin TB me mwen ar repwe tonong non angang.

Mei pwan wor ekkoch samaw mei mecheres ach sipwe sinei ika kuta ia e poputa me ia. Ka puan tongeni angei safean. Mei wor chekin ekkewe semmwenin nefinen mwan me fefin me ewe keinapan ese pwan kammo.

Katon ewe kinikin non ewe toropwe itan Resources in Hawaii ren oom kopwe kuta itan ekkewe neeni a awora opposun mater, checkin TB, semwenin nefinan mwan me fefin, pwan cheking ewe Keinapan.