Raan in School eo Kein Kajuõn

Plan im kebbojak iman lok jen an ijino juõn yiõ in school ej kiõ. Wawen in ekõmman bwe komro ajiri eo nejum en bojak ñan juõn yiõ in school eo emman. Elap an aurõk bwe kwõn bojak im jab kõttar ñan elik tata.

Ne ajiri eo ej kab dreloñ enaj aikuji:

• Pepa in lotak
• Pepa in daktõ, waa ko an ajiri mantak (Form 14: Immunization, Physical Exam, TB Clearance)
• School Transcript (grade ko an jen school eo an elik tata)
• Affidavit (Pepa in kamol ke ewõr am maroñ in kejbarok ajiri eo)

Parents jab miloklok!

• Jela ñeet school ej ijino.
• Bõk lajrak in kein jikuul ko an ajiri eo nejum jen jikuul eo an.
• Lororjake ajiri eo nejum bwe en etal ñan aolep appointment in daktõ im kõmman ñii ko an mokta jen an ijino jikuul.
• Etale bwe en ejellok kijin bõran ajiri eo nejum mokta jen an jino jikuul. Karreo ki kin soap in kiij ñe ekkar.

Yokwe an Jined im Jemed ej Jolet Aurõk

Kwe eo ajiri eo nejum ej yokwe ilo mour eo an. Kememej, ajiri eo nejum emaroñ mijak ilo raan ak week eo moktata in school. Am ber iturin enaj kebran e kin yokwe eo am.

• Mõña in jota ilo juõn awa eo emman.
• Etal ibben ajiri eo nejum ñan school ilo raan eo moktata.
• Keboj ajiri eo nejum ñan school kin nuknuk edreo aolep raan.
• Najidrik ajiri eo nejum mõña in jibboñ eo emman ñan ejmour.
• Jilkinlok ajiri eo nejum ñan school aolep ran im mõkaj ñan ien.
• Jolok ien ibben ajiri eo nejum im kõnono im kainemane kin school mokta jen raan eo kein kajuõn.
• Katutuki ajiri eo nejum aolep jota mokta jen an etal ñan jikin kiki.

Jibañ Ajiri eo nejum Kõjerbal Jerbal in Jibañ ko ilo School

Juõn ajiri eo emman an ekatak ilo jikuul ej itok jen an ber ilo jikuul im ekatak Einwõt juõn mama ak papa, komaroñ jibañ ajiri eo nejum bwe en wõnmanlok ilo an ekatak. Readi Student Handbook eo an ajiri eo nejum bwe en wõr am melele ta ketõbar eo an school ñan komro ajiri eo nejum.

Homework

• Kebwõj juõn jikin ejellok ekeroro im meram bwe ajiri eo nejum en kõmman an homework im ekatak.
• Ber iturin ajiri eo ñe ej kõmman homework ak ekatak bwe en maroñ kajitõk jibañ.

Attendance (Ber ilo school)

• Aolep ajiri, kilaj 1 ñan 12 ilo high school rej aikuj ber ilo school (6 ñan 17 yiõ drettan)
• Einwõt juõn mama ak papa, ej am eddo bwe ajiri eo nejum en ber ilo school aolep ran. Ñe rej jako ak jab itok komaroñ kõlla ak kalbwuj.

Safety (Kejbarok)

• Bõk melele kin wawen kejbarok ilo jikuul eo an ajiri eo nejum. Kakien kein rej jibañ bõprae jorran ñan enbwein ak lemnak an kajojo dri-jikuul.

Kijin ioon Baar (Uku)

• Jab miloklok in etale ulej eo an ajiri eo njum ñe ewõr kij im karreoiki ñe ekkar.

Jelelokijen ej Jinno Mweo

Ajiri rej jino ekatak jen mweo. Ien ko am ibben ajiri eo nejum rej berberin manit im kelmenlokijen ko dremman ilo an dritto lok – kwõj an ajiri eo nejum dri-kaki moktata. Ajiri rej ekatak jen wawen aer mour. Ta ko kwõj katakin ajiri eo nejum, kwõnaj madmõdri bareinwõt. Ajiri rej kõmman ekkar ñan ta ko rej ekatak jen kwe.

Kwalok ñan ajiri eo nejum ke kwõj kaurõk an bukõt jelelokijen:

• Kajitõk ibben ajiri eo ennan in school rainin.
• Kajitõk wõn ro mõttan.
• Juõn ajiri enaj kõnan etal ñan school im kate ekatak ñe ej loe an jinen im jemen itok limo kin school.
• Kwalok am yokwe im rejañ ajiri eo nejum mokta jen an etal ñan school aolep ran.
• Lelok elap kõkabilõklõk ñe ajiri eo nejum ej ioon men ko drebben ilo school.
• Kautej, yokwe im kejbarok ikõtan parents im dritto ro iloan juõn imõn joke ej kalikar juõn mour emman ñan ajiri eo.

An Parent Bõk Konaer ej wõnmanlok wõt ilo School & Jukjuk-in-ber eo

Katakin ej ijinno iloan mweo im driwõjlok ilik, ñan school im jujuk-in-ber eo. Mekar ta, parents rej armij ro moktata im rej edro ilo jibañ katakin ajiri ro nejied. Elap an parents melelel kin ajiri ro nejied.

Ta wawen ko imaron imaron komani?

• Jibañ school ñe ewõr am ieen.
• Kajitõk ikijen Reduced (drik) ak Free (ejellok wõnen) Lunch ilo school.
• Kajitõk ikijen jibañ kojet ak jibañ ajiri eo nejum kõmman homework.
• Itok ñan ien kõnono ko an dri-kaki ibben parent, kaminene, ekatak ak kwelok ko.
• Komaroñ kajitõk juõn am dri’ukok ñe kwõj aikuj juõn.
• Jela im melele maroñ ko am iumin kakien eo nae etan No Child Left Behind.

Read ñan Ajiri eo Nejum Aolep Ran

Ñe ej wõr kabel in read ibben juõn ajiri enaj jibañ e wõnmanlok ilo school im jerbal. Bareinwõt, read enaj kõmanan im kõlaplok kelmenlokijen ibben juõn ajiri, kebellok kejem ñan elõñ lal kaal. Jela read ekõmman bwe ajiri eo nejum en juõn eo emman im jela jeje.

Eaurõk read im bwebwenato ñan ajiri eo nejum jen ien eo ekar lotak im kwalok bwebwenato mae ien eo etebar yiõ in jikuul, jekron ñe emaroñ read make iaan.

Ekatak ko rej kwalok wawen ko raurõk im rej jibañ ajiri erom armij in read:

• Dritto lok kin book, bwebwenato im jeje jen ke edar drik.
• Wor an jela kin jeje ko ibelakin (box in cereal ko, sign ko ilo imon wia ko, sign ko ilo iaal ko, kab ko jet.).
• Kõmman am ien make lok iam im read.
• Parent/dritto ej read im k’aurõk read.
• Lõñ im mõj aõ kommani (etal nan zoo, aquarium, museum, fairs, kab ko jet).
• Kile leta, naan, lebels, im wawen baa naan ko ilo men ko ij komani – ne ij al, bwebwenato, im kõnono, jerbal ibben ro jet aolep ran.
• Etal ñan public library ko aolep ien.
• Kõmman bwe en wõr book ko eitok limo in ajiri kaki.

Ijo Kunaan Jinen im Jemān Ajiri eo ilo Mour eo an

Ekkar ñan mantin Majōl, ilo juōn baamle eddo eo ñan keboje ilju eo an ajiri ro ej an jiner im jemāer jimor. Jemān baamle eo enaaj bōk eddo in kaatakin ladrik eo nejin. Ej bareinwōt juōn an eddo bwe en kabwe aikuj ko an baamle eo. Kōra eo jinen baamle eo ej an eddo ñan katakin ledrik eo nejin men ko kunaan kōra ro ilo juōn baamle. Jinen baamle eo ej bareinwōt bōk eddo in keboje imōn jokwe eo, im lale bwe en wōr mejatoto in burokuk im aeneman ilo baamle eo. Jinen baamle eo ej ee eo ej katakin ajiri ro manit ko im waween mour.

Elab kauteej kōra ro ilo mantin Majōl. Im elab ankilan kōra ro ilo bebe ko ikijeen ajiri ro, bareinwot.

Elaññe jinen im jeman ajiri eo renaaj jimor loloorjake eddo ko aer innam baamle eo enaaj jeraamman.

• Meñe rej kwalok ak jab, ajiri ro nejum rej kõjatdrikrik ioom kin jibañ ko am.
• Kajitõk ej et aer ber ilo school, wõn mõttan, kilaj ta emman tata ibben im kajitok ko jeet.
• Kõmman ien ibben ajiri eo neju.
• Kõnono ibben ajiri eo kin jorren ko renaj walok itok jen kõjerbal uno ko drekajjour, kadrõk, im jolok ieen jikuul, kab ko jet.
• Kõnono kin temak eo am, manit im iminene ko ekkar ñan manit, bwebwenato im inooñ ko am.
• Kõnono ibben ajiri eo nejum kin wawen kokmanman lok mour ioon Hawaii.

Ewi Bwe in Jela Wawen an Ajiri eo Neju Ekatak ilo School?

Ñe juõn family emelele wawen an ajiri eo nejin ekatak ilo school im jela readi report card eo an, enaj juõn ijino eo emman. Melele report card eo ej KEY ñan jela eber iaa ajiri eo nejum ilo jikuul. Ñe kwõj jab melele report card eo an ajiri eo nejum, kajitõk jibañ jen dri-kaki ro aolep ien. Ilo Hawaii, school im dri-kaki dre-kõnan bwe family ko ren jibañ ajiri ro nejied wõnmanlok ilo jikuul ilo aer kõnono ibben dri-kaki ro im melele wawen an jerbal Standards-Based Education (SBE), im itok ñan jikuul ñe ewõr abõnono ilo an ajiri eo wõnmanlok.

Erkein ej jet naan ko dr’aurõk bwe family ko ren melele:

• General Learner Outcomes (GLOs)
• Standards-Based Education (SBE)
• Standards
• Rubric
• Benchmark

General Learner Outcomes:

• GLO rej manit emman im kabel ko rej tel ñan jeraman ilo jerbal, mweo im mour. Dri-jikuul ro rej kwalok wawen kein, rebojak in erom dri-kadriwõjlok eo kimij ketõbare im ebojak nan college.

Standards-Based Education:

• SBE – melelen juon dri-kaki ej etale ekatak ko an ajiri eo ilo an keri ibben juon tej ekar bok mokta lok.

Standards:

• Jelelokijen im kabel eo jej kojatdridrik ioon dri-kaki eo im ilo an katakin, im an dri-jikuul eo jela im anjo ioon ekatak ko mokta jen an jemlok yio in jikuul eo.

Rubric:

• Rubric einwõt juõn tool ej jerbal ñan lelok grade ñan dri-jikuul.
• Rubrics ej kwalok nan dri-jikul eo wawen an homework eo an bok grade, im ta eo dri-kaki eo ekonan jen dri-jikuul eo.
• Rubric emaron jerbal nan jone wawen an dri-jikuul eo jeje, project ko ej kommani kin pein, konono iman im manit ko an.

Benchmark:

• Jelelokijen im kabel eo jej kõjatdrikrik ke dri-jikuul eo ejela, im maroñ kõjerbale ilo jabrewõt grade level.